So viel Erinnerige aa dich Stöff
Nach em Grümpi, ich mit mim erste Absturzt und du häsch mich vo de Allmend bis zu mir hei treit
Du bi mir im Zimmer am Seich mache bis min Vater inecho isch und dich usem Huus gjagt hät (spöter dänn e Versöhnig mit ihm uf de Skipiste)
Zämä bim Zaugg im Französich chli zviel umegschwätzt
Du a jedem Feez dis Luftgitarre-Solo gmacht
Uf verschiedene Tanzflächene hämmer zämä äs Tänzli gmacht
Eimal im Kanzlei no mit em Gogo, nachher alli zu mir hei go Spaghetti choche und denn direkt go schaffe am morge
Spöter dänn i de AOZ gschaffed zämä und im Nothälferkurs und bi de Aperos brilliert
ZNufene vor em Wiishus e Zigi graucht und eus alles verzellt was im letzte Jahr so gloffe isch
Uf de Skipiste in Splüge jedes Jahr wieder en Guggernüll zämä trunke
In Hinterii hämmer zämä Raclett gässä und dänn de letscht Bus verpasst
Wo du din Fuess broche häsch hämmer öppe 700 Krüzworträtsel mitenend glöst und du häsch dänkt segsch viel besser als ich
Aber Zopf bache chasch würkli besser als ich, das stimmt
Sletschte mal hämmer eus gseh bim Znachtässä im Lotti
Mir händ uu viel gässä und trunke und gschwätzt und händs total gnosse
Mir händ wohl beidi tänkt es gaht immer so wiiter …
Stöff du häsch mich immer zum Lache bracht – egal was gsii isch
Danke für das alles
Ich wird dich vermisse