stöff,
scho 3 jahr isch es etz her – ich ha lang brucht zum akzeptiere das du nümm bi eus bisch
und ich dir alles, woni no ha welle, nümme chan sägä!
zerst hets so fest weh taa und es het mi au verruckt gmacht,
jetzt wirds zwar immer e chli besser
vermisse tuen ich dich nach wie vor ..
ii ganz vielne moment
wänns läbä schön isch und du nümm chasch debi sii
oder wänns scheisse isch und du mir eini vo dine kräftige umarmige hetsch chönne geh.
ganz oft träum ich no vo dir ..
und ghöre dis lache und gseh dich vor mir und es fühlt sich so guet aa das du da bisch.
aber es muess jetzt au ohni dich wiiter gah, das isch de deal.
ich versueche öppis schöns drus zmache
du weisch ja, ganz nach em motto „überall no biz niddle druf“
danke für die schöne moment mit dir und das guete gfühl wo du mir immer geh häsch sit ich dich kännä.
du bisch immer i mim herz ❤️
(ps: und grad jetzt liggi da au mitemene brochne fuess und cha dich so guet verstah im nachhinein)
