Vor villnä Jahrä hat de Stöff für äs Wiili bi mir Unterschlupf gfunde….mit sinä wenigä Habseeligkeitä ischer bi mir uufdaucht und hätt kurzerhand mini Wohnig in beschlag gno….
Möbel ufd siitä gruckt und sich wohlig iignischded….mängmal ischsmer fascht chli zvill worde mit sinä unzählige Joghurt im Chüälschrank und sine Stinksocke ide ganzä Wohnig…aber woner nach äs paar Wuchä mit Sack und Pack wider abgrauscht isch….wohlbemerkt ohni än Staubsuuger id Hand znä oder öbis wider an altä Platz zruggzstellä……hät er so ä Lääri hinderlaa……..ich ha diä Ziit mit im soo gnossä…er hät mis Huus mit Wärmi gefüllt….ich ha in so vermisst……..so wie jetzt für immer…….